കരൾ ശൂന്യമാക്കുന്ന ചില അപകടകരമായ ഭക്ഷണങ്ങൾ…

Health Tips: Fatty liver disease diet

നമ്മുടെ ശരീരത്തിലെ ഏറ്റവും വലുതും സജീവവുമായ അവയവമാണ് കരൾ. കരൾ നമ്മുടെ ശരീരത്തിൽ നിന്ന് വിഷവസ്തുക്കളെ നീക്കം ചെയ്യുന്നതിനുള്ള ഒരു ശുദ്ധീകരണ ഫാക്ടറിയായി മാത്രമല്ല, ഭക്ഷണത്തിൽ നിന്ന് പോഷകങ്ങൾ ആഗിരണം ചെയ്യാൻ ശരീരത്തെ സഹായിക്കുന്നു.

ഇത്തരം പ്രധാനപ്പെട്ട കരളിൻ്റെ ആരോഗ്യം ശ്രദ്ധിക്കേണ്ടത് വളരെ പ്രധാനമാണ്. എന്നാൽ ഇന്നത്തെ മോശം ജീവിതശൈലി, തെറ്റായ ഭക്ഷണശീലങ്ങൾ, ശാരീരിക പ്രവർത്തനങ്ങളുടെ അഭാവം എന്നിവ കാരണം ഫാറ്റി ലിവർ പ്രശ്‌നം മിക്കവരെയും അലട്ടുന്ന പ്രശ്‌നമാണ്.

കരളിൻ്റെ ആരോഗ്യം ഭക്ഷണവുമായി അടുത്ത ബന്ധപ്പെട്ടിരിക്കുന്നു. മദ്യപാനം മൂലമുണ്ടാകുന്ന കരൾ തകരാറുകൾ മാറ്റിനിർത്തിയാൽ, മദ്യപിക്കാത്തവരുടെ ഗുരുതരമായ ആരോഗ്യപ്രശ്നമാണ് നോൺ-ആൽക്കഹോളിക് ഫാറ്റി ലിവർ ഡിസീസ് എന്ന് ഡോക്ടർമാർ മുന്നറിയിപ്പ് നൽകുന്നു. കരളിൽ അധിക കൊഴുപ്പ് അടിഞ്ഞുകൂടുമ്പോഴാണ് ഈ പ്രശ്നം ഉണ്ടാകുന്നത്. ഇതുമൂലം കരൾ ശരിയായി പ്രവർത്തിക്കാതിരിക്കുകയും കഠിനമായ അവസ്ഥയിൽ കരൾ തകരാറിലാകാനും സാധ്യതയുണ്ട്.

ഫാസ്റ്റ് ഫുഡ്

ഫാസ്റ്റ് ഫുഡുകൾ വർധിക്കുമ്പോൾ, ഫ്രെഞ്ച് ഫ്രൈസ്, ബർഗർ, ചിപ്സ് തുടങ്ങിയ വറുത്ത ഭക്ഷണങ്ങളിൽ കൊഴുപ്പ് നിറഞ്ഞിരിക്കുന്നു. കൂടാതെ, ഫാസ്റ്റ് ഫുഡുകൾ, സംസ്കരിച്ച ഭക്ഷണങ്ങൾ, റെഡി ടു ഈറ്റ് ഭക്ഷണങ്ങൾ എന്നിവയിൽ സോഡിയം കൂടുതലാണ്. കൂടാതെ, ദീർഘകാല സംരക്ഷണത്തിനായി അവയിൽ ചേർക്കുന്ന പ്രിസർവേറ്റീവുകളും രാസവസ്തുക്കളും കരളിൻ്റെ ആരോഗ്യത്തെ വളരെയധികം ബാധിക്കും. അനാരോഗ്യകരമായ ഭക്ഷണക്രമം അമിതവണ്ണത്തിലേക്ക് നയിക്കുന്നു. അമിതവണ്ണം കരളിനെ സാരമായി ബാധിക്കുന്നു.

മൈദ വിഭവങ്ങൾ

മൈദ കൊണ്ടുണ്ടാക്കുന്ന പറോട്ടയും റൊട്ടിയും പാസ്തയും കരളിനെ ശൂന്യമാക്കും. ഇതിൽ പോഷകങ്ങൾ ഒന്നും ഇല്ലതാനും. കൂടാതെ, ഇതിൽ അടങ്ങിയിരിക്കുന്ന ശുദ്ധീകരിച്ച കാർബോഹൈഡ്രേറ്റുകൾ ഫാറ്റി ലിവർ സാധ്യത വർദ്ധിപ്പിക്കുന്നു. ഈ ഭക്ഷണങ്ങളിൽ നാരുകൾ വളരെ കുറവാണ്. ഇത് അമിതമായി കഴിക്കുന്നത് ഫാറ്റി ലിവർ എന്ന പ്രശ്‌നം വർദ്ധിപ്പിക്കും.

ഉയർന്ന കൊഴുപ്പുള്ള പാലുൽപ്പന്നങ്ങൾ

കൊഴുപ്പ് കൂടിയ പാലുൽപ്പന്നങ്ങളായ പാൽ, ചീസ്, വെണ്ണ എന്നിവയും ഫാറ്റി ലിവർ രോഗത്തിന് കാരണമാകുന്നു. കാരണം അവയിൽ പൂരിത കൊഴുപ്പ് കൂടുതലാണ്. ഇത് കൊഴുപ്പായി കരളിൽ അടിഞ്ഞു കൂടുന്നു.

പഞ്ചസാര പാനീയങ്ങൾ

ഉയർന്ന പഞ്ചസാര സോഡകൾ, എനർജി ഡ്രിങ്കുകൾ, ടിന്നിലടച്ച അല്ലെങ്കിൽ പായ്ക്ക് ചെയ്ത പഴച്ചാറുകൾ എന്നിവ ഫാറ്റി ലിവറിന് ഒരു പ്രധാന കാരണമാണ്. പഞ്ചസാരയും ഫ്രക്ടോസും കൂടുതലായതിനാൽ അവ കൊഴുപ്പായി കരളിൽ എത്തുന്നു.

സംസ്കരിച്ച മാംസവും മറ്റ് ഭക്ഷണങ്ങളും

സംസ്കരിച്ച മാംസങ്ങളായ സോസേജ്, ബേക്കൺ, ഹോട്ട് ഡോഗ് എന്നിവയിൽ കൊഴുപ്പും സോഡിയവും കൂടുതലാണ്. ഇവ കരളിൽ അധിക സമ്മർദ്ദം ചെലുത്തുകയും ഫാറ്റി ലിവർ സാധ്യത വർദ്ധിപ്പിക്കുകയും ചെയ്യുന്നു.

The Life Media: Malayalam Health Channel