അഞ്ചാംപനി: ശ്രദ്ധിച്ചില്ലെങ്കിൽ മരണംവരെ സംഭവിക്കാം

2023 മുതൽ യൂറോപ്യൻ രാജ്യങ്ങളിൽ അഞ്ചാംപനി(Measles) കേസുകളിൽ കുത്തനെ വർദ്ധനവ് നിരീക്ഷിക്കപ്പെട്ടിട്ടുണ്ട്. ലോകാരോഗ്യ സംഘടനയുടെ കണക്കനുസരിച്ച്, “കഴിഞ്ഞ വർഷം, ഈ മേഖലയിലെ 53 അംഗരാജ്യങ്ങളിൽ 41-ലായി 58,000-ത്തിലധികം ആളുകൾ – യൂറോപ്പിലും മധ്യേഷ്യയിലും – രോഗബാധിതരായിരുന്നു.

അഞ്ചാംപനി, ലക്ഷണങ്ങൾ, പ്രതിരോധം എന്നിവ മനസ്സിലാക്കുക

അഞ്ചാംപനി അഥവാ മീസിൽസ് ശ്വസനവ്യവസ്ഥയിൽ ആരംഭിക്കുന്ന ഒരു വൈറൽ അണുബാധയാണ്. സാധാരണയായി കുട്ടികളെ ബാധിക്കുന്ന വളരെ സാംക്രമിക രോഗമാണിത്. ഇത് ഗുരുതരമായ രോഗത്തിലേക്കും സങ്കീർണതകളിലേക്കും മരണത്തിലേക്കും നയിച്ചേക്കാം. മീസിൽസ് ശ്വാസനാളത്തെ ബാധിക്കുകയും പിന്നീട് ശരീരത്തിലുടനീളം വ്യാപിക്കുകയും ചെയ്യുന്നു.

രോഗബാധിതരിൽ നിന്ന് ആരോഗ്യമുള്ള വ്യക്തികളിലേക്ക് അഞ്ചാംപനി എളുപ്പത്തിൽ പടരുന്നു.

അഞ്ചാംപനി ലക്ഷണങ്ങൾ

ചുമ, പനി, കണ്ണിന് ചുവപ്പ്, മൂക്കൊലിപ്പ്, തൊണ്ടവേദന, വായ്ക്കുള്ളിലെ വെളുത്ത പാടുകൾ എന്നിവയാണ് അഞ്ചാംപനിയുടെ സാധാരണ ലക്ഷണങ്ങൾ.

മീസിൽസിൻ്റെ ഏറ്റവും സാധാരണവും പ്രധാനപെട്ടതുമായ ലക്ഷണം വ്യാപകമായ ചർമ്മത്തിലെ ചുണങ് അഥവാ പാടുകൾ ആണ്, ഇത് സാധാരണയായി തലയിൽ നിന്ന് ആരംഭിച്ച് ശരീരത്തിൻ്റെ മറ്റ് ഭാഗങ്ങളിലേക്ക് പതുക്കെ പടരുന്നു.

വൈറസ് ബാധിച്ച് 10-12 ദിവസത്തിനുള്ളിൽ ഈ ലക്ഷണങ്ങൾ പ്രത്യക്ഷപ്പെടുന്നു.

മീസിൽസ് എങ്ങനെ തടയാം

പ്രതിരോധ കുത്തിവയ്പ്പുകൾ :

വാക്സിനേഷൻ എടുക്കുക എന്നതാണ് അഞ്ചാംപനി തടയാനുള്ള ഏറ്റവും ഫലപ്രദമായ മാർഗം. എല്ലാ കുട്ടികളും രോഗത്തിനെതിരെ എം എം ആർ വാക്സിൻ എടുക്കണം. മിക്ക രാജ്യങ്ങളിലും, ശക്തമായ പ്രതിരോധശേഷിക്കായി കുട്ടികൾക്ക് 2 ഡോസ് വാക്സിൻ നൽകുന്നു.

സിഡിസിയുടെ അഭിപ്രായത്തിൽ, രണ്ട് ഡോസുകളും വൈറസിനെതിരെ 97% ഫലപ്രദമാണ്. ചില രാജ്യങ്ങളിൽ, ചിക്കൻപോക്സിനെതിരായ വാക്സിനേഷനും എം എം ർ വാക്സിനുമായി സംയോജിപ്പിച്ചിരിക്കുന്നു.

മറ്റ് നുറുങ്ങുകൾ:

പൊട്ടിപ്പുറപ്പെടുന്ന സമയത്ത്, അണുബാധയുണ്ടാകാതിരിക്കാൻ തിരക്കേറിയ സ്ഥലങ്ങളിലേക്കുള്ള യാത്ര ഒഴിവാക്കുക
മീസിൽസിൻ്റെ ലക്ഷണങ്ങൾ അവഗണിക്കരുത്, ഉടൻ വൈദ്യസഹായം തേടുക
അണുബാധയുടെ ലക്ഷണങ്ങളുള്ളവരുമായി എല്ലാ തരത്തിലുമുള്ള സമ്പർക്കവും ഒഴിവാക്കുക
സോപ്പും വെള്ളവും ഉപയോഗിച്ച് ഇടയ്ക്കിടെ കൈ കഴുകുന്നത് വൈറസ് പടരുന്നത് തടയാൻ സഹായിക്കും

ഓർക്കുക മുകളിൽ പറഞ്ഞിട്ടുള്ള ഏതെങ്കിലും ലക്ഷണങ്ങൾ നിങ്ങളുടെ ശ്രദ്ധയിൽ പെടുകയാണെങ്കിൽ ഉടൻ തന്നെ വൈദ്യസഹായം തേടേണ്ടതാണ്.

Health Tips: Measles: Know Symptoms And Prevention Tips For This Viral Infection

The Life Media: Malayalam Health Channel